KINGSFOLD · 8.6.8.6 D
Muzika: Melodi popullore angleze · Harmonizoi: Ralph Vaughan Williams, 1906 · Teksti: Psalmi 122 · Vargëzoi: Albert J. Kona, 2026
Sa gaz kur thanë: «Në shtëpi të Zotit, me gëzim!» Ja, ndalen këmbët sot te ti, Jerusalemi im! Qytet i ngritur gur mbi gur, i lidhur fort e plot, dhe rreth e rrotull mur pas mur, që kurrë s'tundet dot. Ngjit fis pas fisi, çdo brezni, siç Zoti u dëshmon, t'i japin emrit tij lavdi me zë që lart kumbon. Atje gjykata ka seli, e mbreti drejt gjykon; vet' Biri i Davidit rri, përjetë mbretëron. Lutuni për Jerusalem, për paqe, qetësi; kërkoni paqe për Sion, ku Zoti ka shtëpi. Ndër muret e tu paqe sot, ndër kulla siguri; kush do ty, lulëzoftë plot me hir e begati! Për miq, vëllezër, për të mi, do them: «Paqe me ty!» Për Zotin, për shtëpin' e tij kërkoj të mirën ty. Sa herë thonë: «Në shtëpi të Zotit!» — me gëzim do ngjitem prapë, plot lavdi, Jerusalemi im!
Dëgjoni melodinë
🎵 Videoja e melodisë do të shtohet së shpejti. Më vonë këtu do të vendoset incizimi i psalmit të kënduar në shqip.
