ST. PETERSBURG · 8.8.8.8.8.8
Muzika: Dmitry Bortniansky, 1825 · Teksti: Psalmi 138 · Vargëzoi: Albert J. Kona, 2026
Me gjithë zemër të kremtoj, ndër perëndi un' të këndoj; I kthyer drejt tempullit shenjt', lëvdoj un' emrin tënd të shtrenjt'; Për mirësi, besnikëri, të sjell o Zot veç lavdëri. Se fjalën tënde plot lavdi, mbi çdo gjë emrin ngrite Ti; Kur të kërkova ty o Zot, ti m'u përgjigje mua plot; Fuqin' e shpirtit ma ke rrit', dhe më ke mbushur plot me drit'. Tër' mbretërit ty të kremtojn', kur fjalët e tua dëgjojn'; Për rrugët e Zotit do t'ngren', këngë, se Ai lavdi gjen! E madhe është pa mbarim, lavdia e Zotit n'shkëlqim. Ndon'se i shkëlqyeshëm Zot, për të thjeshtët kujdeset plot; Por mendjemadhin Zoti sheh, dhe nga largu Ai e njeh; Sikur të eci n'fatkeq'si, të gjall' do m'ruash vetëm Ti! Kundër armiqve n'zemërim, do zgjatësh dorën për shpëtim; E djathta jote më shpëton, Zot', veprën tek un' e mbaron; Zot, mirësia rron përher', veprat e dorës mos i lër!
Dëgjoni melodinë
🎵 Videoja e melodisë do të shtohet së shpejti. Më vonë këtu do të vendoset incizimi i psalmit të kënduar në shqip.
