WARRINGTON · 8.8.8.8
Muzika: Ralph Harrison, Sacred Harmony, 1784 · Teksti: Psalmi 145 · Vargëzoi: Albert J. Kona, 2026
O Mbreti im dhe Perëndi, Përjetë ngre për Ty lavdi; Çdo ditë, Zot, do të bekoj, Dhe emrin tënd do ta lëvdoj. I madh ësh' Zoti n'madhështi, S'e rrokim dot kët' pafundsi; Një brez një tjetri do t'i thot', Mrekullit' tua sot e mot'. Për shkëlqimin e madhështis', Dhe hyjnin' e veprimtaris'; Për mirësinë do këndojn', Dhe drejtësinë do lëvdojn'. Zoti ësh' i dhembshur, i mir', Plot me falje dhe me mëshir'; Për gjith' veprat ka dhembshuri, Shenjtorët do t'i jap'n lavdi. Për mbretërinë do tregojn', Dhe fuqinë do ta lëvdojn'; Mbretëria Jote përjet', Sundon mbi brezat dhe mbi jet'. Zoti ngre ata që bien, Syt' e gjithkujt tek Ti shtrihen; Ti hap dorën me mirësi, Dhe i ushqen me dhembshuri. Zoti ësh' pranë kujt kërkon, Dhe britmën e tyre dëgjon; Ata që e duan i mbron, Dhe të pabesët shkatërron. Goja ime do të lëvdoj', Çdo qenie do të bekoj'; Emrin e Tij të shenjt' përher', Përjetë, me lavdi e nder.
