LANCASHIRE · 7.6.7.6 D
Muzika: Henry Thomas Smart, 1836 · Teksti: Psalmi 149 · Vargëzoi: Albert J. Kona, 2026
Këndoni Zotit këngë të re, me brohori; besnikët në kuvendin këndojn’ Atij lavdi. Gëzo për Krijuesin e Mbretin, Izrael; këndoni, bij t’Sionit, me valle, def, nën qiell. Kënaqet Zoti ynë me popull t’vet, me ne; të thjeshtët me shpëtimin kurorëzon, i ngre. Besnikët ngazëllejnë nga shtrati, plot lavdi; dhe shpatë me dy tehe në dor’, në goj’ lavdim. Shpagim mbi kombet marrin, ndëshkim mbi çdo armik; vargonj e pranga lidhin dhe mbret, edhe fisnik. Mbi ta gjykim zbatojnë, siç shkroi Perëndi; ky nder besnikët kanë. Atij lavdi, lavdi!
