DARWALL’S 148TH · 6.6.6.6.8.8
Muzika: John Darwall, 1770 · Teksti: Psalmi 148 · Vargëzoi: Albert J. Kona, 2026
Lavdoni Zotin lart prej qiejsh, n'lartësi, ushtri e tij qiellor', o engjëj plot fuqi! O Diell, o Hënë, yje tok shkëlqyes, lavdëroni sot. O qiej më të lart', e uj' mbi qiell, lavdim i jepni emrit tij, se tha, u bë krijim. Përjet' e n'amshim vend u dha, dhe ligj, që s'shkelin dot, u la. Lavdoni Zotin, det, nga toka, thellësi, përbindësh, zjarr e re, o breshër, bor', stuhi, o er', që fjalën tij zbaton, lavdoni Zotin, q'urdhëron! O male, kodra, pem' me fryt, e cedra tok, o bisha, bagëti, dhe zvarranik, çdo zog me flatra, lart në fluturim, lavdoni Zotin pa pushim. O mbretër mbi çdo dhe, e popuj, sundimtar', e princa, djem e vajz', të rinj e pleq, të mbar', lavdoni Zotin, emrin tij, kudo lavdoni Perëndin'. Se vetëm emri tij i madh, i lart' qëndron, e madhështia tij mbi tok' e qiell kalon. Të vetve forcën lart u ngre, dhe lavd besnik've tij mbi dhe. O bij të Izrael, o popull, afër Tij, lavdoni, pa kufi, me zë e brohori! Me aleluja, plot gëzim, lavdoni Zotin pa mbarim.
