JESUS, MEINE ZUVERSICHT · 7.8.7.8.7.7
Muzika: Johann Crüger, 1653; arr. · Teksti: Psalmi 51 · Vargëzoi: Albert J. Kona, 2026
Ki mëshirë, Perëndi, madhe është mirësia; dhembshuri ke pa kufi, fshiji fajet, Zot, të mia. Lamë tërësisht, o Zot, nga mëkati, sot e mot. Fajin tim, o Zot, e njoh, nuk e fsheh, nuk e mohova; para meje rri, e shoh, Zot, ndaj Teje mëkatova. Drejt gjykon, i drejtë je, pa gabim vendimet ke. Linda në paudhësi, në mëkat nis jeta ime; Ti do zemër plot urti, thellë, në brendinë time. Me hisop, o Zot, më laj, bardh si bora, krejt pa faj. Zot, më jep gëzim, hare, eshtrat le të ngazëllohen; nga mëkatet sytë kthe, fajet le të mos kujtohen. Zemrën time ma pastro, shpirt të fortë, Zot, krijo. Larg nga sytë mos më le, Frymën tënd, Zot, mos ma ndajë; e gëzimin tënd rikthe, dhe me shpirt bujar më mbajë. Udhën tënde, Zot, dëftoj, e te Ti fajtorët çoj. Zot, nga gjaku më shpëto, Perëndia e gëzimit; gjuha ime, lart këndo drejtësinë e shpëtimit. Hapi buzët, Zoti im, goja ime shpall lavdim. Flitë e djegura, jo; fli për Ty: shpirt i penduar; Ti nuk e përbuz, por do zemrën thyer, copëtuar. Bëj Sionit mirë, Ti, muret ngrija përsëri. Atëherë Ti do fli, fli të drejta, flitë tona; viça sjellin, Zot, te Ti, mbi altar, Zot, zemrat tona. Ki mëshirë, Perëndi, fshi, laj, Zot, e përtëri.
